ياليت الايـام تاتينـي علـى كيفـي
أو ليت كيفـي مـع الأيـام متْوافـق
يمكنّي ارتاح من بعـض السواليفـي
اللي يكـدّر شقاهـا هـدوة الخافـق
اشوف الايـا م حبلـى بالعجاريفـي
تطفيشة الحر في سوقه هـو النافـق
تعبت فيهـا وانـا فاهـم وحرّيفـي
أدرى مشاريـه راع اللـوم وآرافـق
لاجيت ابيها على منهاجـي اتحيفـي
حيفة سريع القنَص من رمية التافـق
هي اكسرت لي وانا مبحر مجاديفـي
والليل داجي وموج اهوالهـا صافـق
وهي اجبرتني على هجر المواليفـي
وتشبيكة اللي عليهم مانـي ابشافـق
وهي الزمتني أباسم صاحب الزيفـي
واسكت عن الميل بعض احيان وآنافق
وهي البستني ثياب البـرد بالصيفـي
وخلتني ابدو وانا الهادي كما الطافـق
ضرورة العصر في فقـه العواريفـي
لاجله اوافق وقبله كنـت مـا اوافـق
قالوا لي فتره لما تجلـي الصواديفـي
ويطيح من عينك الملفـوق واللاّفـق
واقول بعده عسـى غـرّ المراديفـي
يبرد حرارة حشايـه وبلهـا الدافـق
واقوم اغنّي علـى روس المشاريفـي
اليـوم كيفـي مـع الأيـام متْوافـق
الرئيسية 
تسجيل دخول الاعضاء 
